ကျနော်တို့ပျော်ပါးခဲ့တဲ့…အဲ…တက်ခဲ့တဲ့ကျောင်းတော် ကြီးအမည်က မန္တလေးစက်မှုတက္ကသိုလ် ပါ… သိကြလိမ့်မယ်လို့ ထင်ပါတယ်…အခုတော့ မန္တလေးနည်းပညာတက္ကသိုလ် လို့ပြောင်းလဲ ခေါ်ဝေါ် ထားတယ် ဗျ…ကျနော့်တစ်ယောက်ထဲ အနေနဲ့ကတော့ စက်မှုတက္ကသိုလ် ဆိုတာလေးကို ပိုနှစ်သက်မိတယ်…ထားပါဗျာ… ဒါတွေကပညတ်ချက်တွေပါ…ဘယ်လိုပဲခေါ်ခေါ်ပေါ့ဗျာ..နော့်..
ကျောင်းတော်ကြီးနဲ့ ပါတ်သက်ပြီး ဆရာအော်ပီကျယ် ရဲ့ အမှတ်တရ စကားလေးကို ပြန်ပြီး မျှဝေ ချင်လို့ပါ… ဒီလိုဗျ…၁၉၉၅ ခုနှစ်မှာ ကျောင်းမှာ စာပေဟောပြောပွဲလုပ်ဖို့စီစဉ်တော့ ကံကောင်းခြင်း ကြီးစွာနဲ့ ဆရာအော်ပီကျယ်ပါလာတယ်…ဟောပြောပွဲကို ဆရာက သူ မန္တလေးစက်မှုတက္ကသိုလ်ကို လာခဲ့ပုံလေးနဲ့ စဖွင့်တယ်…လာကြိုတဲ့ကားနဲ့ ကျောင်းကို အလာမှာ ကားပေါ်မှာကျောင်းတော်ကြီးကို မှန်းဆ မြင်ယောင်ကြည့်တာပေါ့…ဆရာက မန္တလေးမှာသာနေတာ ကျောင်းကိုတစ်ခါမှ မရောက်ဖူးဘူးတဲ့…ရန်ကင်းတောင်နားလေး ဆိုတာလောက်ပဲသိတာ…ဒါနဲ့စီးလာလိုက်တာ ရန်ကင်းတောင်နား နီးလာတော့ အဆောက်အဦအသစ်တွေ မြင်တော့ ဒါကျောင်းတော်ကြီးလားလို့ ကျောင်းသားတစ်ယောက်ကိုမေးတယ်…ကျောင်းသားက မဟုတ်ကြောင်း၊ ခုဆရာမြင်နေရတာက အဆုတ်ရောဂါကုဆေးရုံသစ်ဖြစ်ကြောင်း…ကျောင်းတော်ကြီးကတော့ ရန်ကင်းတောင်အလွန်မှာဖြစ်ကြောင်း လေသံလျော့လျော့နဲ့ ရှင်းပြသတဲ့…ဒါနဲ့ ဆရာလည်းမမေးတော့ပဲ ဆက်ပြီး လိုက်လာတာ ရန်ကင်းတောင်ကျော်လို့လဲ မရောက်သေး…ဟိုကွေ့ဒီကွေ့နဲ့ ဆည်တော်ကြီးချောင်းကို ကျော်တော့မှ မန္တလေးစက်မှုတက္ကသိုလ်ဆိုင်းဘုတ်ကိုမြင်ရတော့တယ်…ဒါနဲ့ ဆရာက မှတ်ချက်ချလိုက်တယ် တဲ့…ကျောင်းရဲ့နောက်ဖက်မှာမြင်နေရတဲ့ ရေတံခွန်တောင်တို့ နွားလဘို့တောင်တို့ အမည်မသိတဲ့တောင်တန်း ကြီးတို့ကို ကျေးဇူးအထူးတင်ထိုက်တယ်ပါတယ်…သူတို့တတွေကာရန်ပေးထားလို့သာ မန္တလေးစက်မှုတက္ကသိုလ် ကြီးဟာ ဒီနေရာလောက်နဲ့တင် ကျေနပ်လိုက်ရတာ…သူတို့တွေသာမရှိရင် တွေးတောင် မတွေးတတ်သလောက်ပဲ…တဲ့…
ဆရာအော်ပီကျယ်ပြောခဲ့တာ ချွေးရော သွေးရော ထွက်အောင်မှန်ပါ့ဗျာ… မန္တလေးစက်မှုတက္ကသိုလ်နောက် ထပ်ပြီး ဖွင့်တဲ့ တက္ကသိုလ်ဆိုတဲ့ ကျောင်းတွေကျောင်းတွေ အားလုံး လိုလို သူ့ထက်ငါ အဝေးပြိုင် အခေါင်ပြိုင် နေသလား မှတ်ရတယ်…အား…ပါး…ပါး…
1 comment:
ကိုမိုးလေး လာဖတ်သွားတယ်း) ဗမာပြည်က စက်မှုတက္ကသိုလ်အကြောင်း စိတ်ဝင်စားတယ်.. ဖြစ်နိုင်ရင် ဓါတ်ပုံလေးတွေနဲ့ တင်ပါလား ။ ပိုပြီး ရသမြောက်မလားလို့ ။
Post a Comment