သတိရမိသောအပိုင်းအစလေးများ(၁)

အထက်တန်းကျောင်းသားဘ၀တုန်းကပေါ့။ ကျူရှင်က ည ၇း၀၀ ဆင်းတယ်။ ကျူရှင်အပြီး ဗိုက်ကလဲဆာ အိမ်ကို လဲ မပြန်ချင်သေးဆိုတော့ ဦးချစ်တီးရဲ့ ခေါပုတ်ဆိုင်လေးပဲပြေးကြတယ်။ အင်း...ပြောပြပါဦးမယ် အဲဒီဆိုင်လေး အကြောင်း၊ အမှန်က အဲဒီဆိုင်လေးမှာ ဘာနာမည်မှ မရှိဘူး။ ဆိုင်ရှင် အဒေါ်ကြီးရဲ့ ယောကျာ်းရဲ့ နာမည်ကမှ ဦးချစ်တီး တဲ့။ နာမည်ကတော့ ဦးချစ်တီး လူကတော့ ဗုဒ္ဓဘာသာ စစ်စစ်ကြီးပါ။ သူတို့ရပ်ကွက်ဓမ္မာရုံမှာ ဂေါပက အဖွဲ့ဝင်၊ တာဝန်က အလှူခံ ဆိုတော့ တစ်မြို့လုံးနီးနီး သိကြတယ်။ အဒေါ်ကြီးကတော့ ရှမ်းအမျိုးသမီးပါ။ သူတို့ ခေါပုတ်ဆိုင်လေးကတော့ ကျနော်တို့နယ်မြို့လေးမှာ ဆောင်းတွင်းဆို နာမည်ကြီးပဲ။ သူတို့က ဆိုင်ထဲမှာပဲ ကောက်ညှင်းကို ပေါင်း၊ ပြီးတော့ တခါထဲ ဆိုင်ထဲမှာ တင် ဆုံကြီးထဲ ထည့်ထောင်း၊ ညှက်ပြီဆိုတာ နဲ့ အလုံးလေးတွေ လုံးပြီး ရောင်းတာ ကိုးဗျ။ အဲဒီတော့ ပူပူနွေးနွေး လတ်လတ်ဆတ်ဆတ် ခေါပုတ် အလုံးလေးတွေ ဆိုတာ ဒီနေရာမှာပဲရမယ်ထင်တာပဲ။ တခြားတွေ့ဖူးသမျှ ခေါပုတ်တွေက အိမ်မှာလုပ်ကြပြီး နောက်ရက်တွေမှ ဈေးထဲ လာရောင်းကြတာလေ။ ဆိုင်ထဲကလူတွေက ခေါပုတ် ထောင်းရ ကောက်ညှင်းပေါင်းရ ဆိုတော့ ချွေးရွှဲရွှဲ နဲ့ ဆောင်းတွင်းလို့ တောင် ထင်ကြ ပုံမပေါ်ဘူး။
ကျနော်တို့တစ်တွေကသာ ကျူရှင်ခန်းထဲမှာ ငြိမ်ကုတ်ကုတ်နဲ့စာသင်ပြီးထွက်လာကြတဲ့သူတွေ ဆိုတော့ ချမ်းအေးနေကြတာ။ အမှန်ကတော့ ကျနော်တို့ကောင်လေး တော်တော်များများက အဲဒီ အစားအသောက်မျိုးကို ကြိုက်လှတယ်မဟုတ်ပါဘူး။ ဒါပေမယ့် ကောင်မလေးတော်တော်များများ ကတော့ ကြိုက်ကြတယ် ဗျ။ ကျူရှင်ဆင်းချိန်ဆို အဲဒီဆိုင်လေး မှာ ကောင်မလေးတွေ တရုံးရုံးနဲ့ ။ ကောင်မလေးတွေ တရုံးရုံး ဆိုတော့ ကောင်လေးတွေလဲ တလုံးလုံးပေါ့ဗျာ။
ကျနော်တို့ မြို့ ကလေးအကြောင်းဆက်လက်ဖေါ်ပြပါဦးမယ်။