ကျနော်တို့ မန္တလေး စက်မှုတက္ကသိုလ်ကို ၄ တန်း(စတုတ္ထနှစ်) အထိပဲတက်လိုက်ရတယ်…
ဆရာမလောက်ငှမှု နဲ့ အခြားသောပြဿနာများစွာတို့ကြောင့်၅ တန်းနဲ့ ၆ တန်းကို
ရန်ကုန်စက်မှုတက္ကသိုလ် ကျောင်းတော်ကြီးမှာ သွားတက်ရတယ်…
ပညာတော်သင်ပေါ့ဗျာ… ဘာဖြစ်သေးတုံး…
ရန်ကုန်စက်မှုတက္ကသိုလ်ရောက်တော့ ဆရာအော်ပီကျယ်နဲ့ ဆုံရပြန်တယ်…
ကျနော်တို့က အဲလို ကံကောင်းတာ။ ဒီတခါတော့ တစ်ယောက်ထဲမဟုတ်ဘူး…
ဆရာတင်မောင်သန်း(သင့်ဘ၀)ရယ် ဆရာမဂျူးရယ် ဆရာအော်ပီကျယ်ရယ် သုံးယောက်တောင်…
စက်မှုတက္ကသိုလ် စာပေဟောပြောပွဲမှာ ဟောကြပြောကြတာ…
ဆရာ တင်မောင်သန်းက အမှန်တရား ဆိုတဲ့ ခေါင်းစဉ်ကို ကဗျာရှည်တစ်ပုဒ် ကို နောက်ခံထား
ပြီး ဟောသွားတယ်… ကဗျာက သိပ္ပံပညာရှင် ဂယ်လီလီယို အကြောင်းကို သက်သေ တည်ပြီး
အမှန်တရားဆိုတာ ဘယ်သောအခါမှ သေရိုးထုံးစံမရှိ တာကို စပ်ထားတာ…
အဲဒီကဗျာလေး ကို ဆရာက အားနဲ့မာန်နဲ့ရွတ်ပြသွားတာ ခုထိ ကြားယောင်နေတုန်းပဲ...
ဂယ်လီလီယိုက ကမ္ဘာကြီးလုံးတယ် ဆိုတာ ကို ပထမ ဦးဆုံးဖော်ထုတ်သွားခဲ့တဲ့ပုဂ္ဂိုလ်ပေါ့…
သူက ကမ္ဘာ လုံးတယ်ဆိုတော့ ပုပ်ရဟန်း အဖွဲ့က သူတို့ကျမ်းစာကို တော်လှန်တယ်ဆိုပြီး
ဂယ်လီလီယို သူ့အဆိုမှားယွင်းကြောင်း မတရား ၀န်ခံခိုင်းတာ…ဂယ်လီလီယိုက အသက် ပဲ
အသေခံသွားခဲ့တယ်…၂၀ရာစုရောက်မှ ပုပ်ရဟန်းအဖွဲ့က သူတို့ ဂယ်လီလီယိုကို မှားယွင်းစွာ
စီရင်ခဲ့ကြောင်း တရားဝင်ဝန်ခံသွားတယ်… မှတ်မိတဲ့ကဗျာစာသားလေးက
`အမှန်တရား ဆိုတာ
ဓါးနဲ့ထိုး ဓါးကျိုး
လှံနဲ့ထိုး လှံကျိုး
ဘယ်တော့မှ မသေတဲ့ အမျိုး´ တဲ့
ဆရာရွတ်သွားပုံက အားနဲ့မာန်နဲ့…ဘယ်လောက်များမာန်ပါသလဲဆိုရင် ရှေ့ဆုံးမှာထိုင်နေတဲ့
ကျောင်းအုပ်ကြီး ရဲ့ထိုင်ခုံတောင် လှုပ်သွားပုံရတယ်…
ဆရာမ ဂျူး ရဲ့ ခေါင်းစဉ် ထူးပုံဆန်းပုံလေးကလည်းတမျိုး
`ကျမ တော်တော်ညံ့ခဲ့တာ´ တဲ့…သူက သူညံ့ခဲ့တဲ့ အကြောင်းလေးတွေပြန်ပြောပြချင်ပါတယ်တဲ့
တော်တာတတ်တာတွေပဲ နားထောင်ချင်လို့ လာခဲ့တဲ့သူတွေကိုတော့ အားနာပါတယ်တဲ့
ဒါပေမယ့် အဲဒီ သူတွေကို အကြံကောင်းတခုတော့ပေးနိူင်ပါသေးတယ်တဲ့
တော်တာတတ်တာလေးတွေ ကြည့်ချင်သပဆိုရင် ၈ နာရီ မြန်မာ့ရုပ်မြင်သံကြားသတင်းကိုပဲ
စောင့်ကြည့်ပါတဲ့….လက်ခုပ်သံတွေမစဲပဲ…ဆရာမဂျူးကလဲ စာရေးကောင်းရုံတင်မကဘူး
အဟော အပြော တင်ပြပုံလည်းကောင်းပါပေ့…
ဆရာအော်ပီကျယ်ကတော့ အိမ်ရှင်တ၀က်ဆိုတော့ နောက်ဆုံးမှဟောပြောပါတယ်
သူကျောင်းတက်ခဲ့တဲ့ အတွေ့အကြုံတွေ အလုပ်အတွေ့အကြုံတွေ သူ့အမြင်တွေပေါ့
သူမြင်ပုံ၊တင်ပြပုံကလည်းတမျိုး…သူက ကျောင်းသားဘ၀ကတဲက သူများနဲ့မတူ တမူထူးတာ
သူများက ကာတွန်းဆွဲရင် ဂျီဟောသူ ရုပ်ဆိုးတာပဲ ထပ်ခါတလဲလဲဆွဲနေတဲ့အချိန်မှာ သူက
ကျောင်းခေါင်မိုးမှာ နွားတွေမြက်စားနေတဲ့ ကာတွန်းမျိုးဆွဲတာ(ခုဆိုရင်တော့ တောပါခုတ်ပြီး
ကင်းစခန်းတွေပါ ထည့်ဆွဲမလားမပြောတတ်ဘူး)…
ကာတွန်းဘောက်စ်အကြောင်းလည်းပြောသွားတယ်…ကာတွန်းဘောက်စ်ဖြစ်လာပုံကလည်း ဒီလိုပါတဲ့
အများသုံးတယ်လီဖုန်းရုံလေး သုံးမရတာကြာပြီး အထဲမှာ ဖုန်းပါမရှိတော့တဲ့ အခါ ဘယ်သူက စတယ်တော့
မပြောတတ်ဘူး…ကာတွန်းလေးတွေဆွဲဆွဲပြီး အထဲမှာကပ်ထားတာ…ကျောင်းသူကျောင်းသားတွေက
အဲဒီ ကာတွန်းကို အမြဲစောင့်စောင့်ဖတ်ရင်းနဲ့ ကာတွန်းဘောက်စ်လေးဖြစ်လာတာတဲ့…
ဘာလို့များ ကာတွန်းဘောက်စ်လေးကို
ပိတ်ပစ်လိုက်လည်းဆိုတာ သူနားမလည်နိူင်ကြောင်းပြောသွားရှာတယ်..
နားမလည်နိူင်ဆုံးကတော့ ၁၉၇၄ ခုနှစ်လောက်တုန်းက(ခုနှစ်မှားရင် ကျနော်အမှတ်မှားတာသာဖြစ်ကြောင်း)
စက်မှု(Mechanical)ကျောင်းသား (တစ်စုလား တစ်ယောက်ထဲလားတော့မသိပါ) က Project အနေနဲ့
မြက်ရိတ်စက်ကို ဟောဗားယာဉ်ဖြစ်အောင် လုပ်ပြသွားခဲ့တယ်…
လူတစ်ယောက် စီးနင်းလိုက်ပါလို့ရ ပြီး ၂ ပေမှ ၃ ပေ အမြင့်ထိ ပျံသန်းမောင်းနှင်နိူင်တယ်ဆိုပဲ…
တကယ့်ကိုချီးကျူးဂုဏ်ယူစရာကောင်းတဲ့ တီထွင်ကြံဆမှုဗျာ…တကယ်လေးစားမိတယ်…
အဲဒါကို ဖျောက်ဖျက်ပစ်လိုက်ကြတယ်တဲ့…အင်ဂျင်နီယာကျောင်းဆိုတာ ဘာလုပ်ဖို့လဲဗျာ...
နားမလည်နိူင်အောင်ပါပဲ…
အဲဒီစာပေဟောပြောပွဲကြီးပြီးသွားပြီး နောက်ထပ် လအနည်းငယ် အကြာမှာ ကျောင်းသားအချို့
ရဲ့ Project Show မှာ ကျောင်းအုပ်ကြီး အမှာ စကားပြောတော့ ခုလိုပွဲမျိုးမြင်ရမှပဲ ဆရာစိတ်ထဲ
မှာ စိတ်ထဲမှာ နဲနဲအေးသွားတော့တယ်တဲ့…
အော် ကျောင်းအုပ်ကြီးကို စာပေဟောပြောပွဲ က ခြောက်လှန့်နေလိုက်တာ ကျောင်းသားတွေ
ကို ဗြောင်ကို ၀န်ခံရတော့တဲ့အထိ တာပါပဲလားလို့….
